Newid Hinsawdd a Threftadaeth Arfordirol
Mae CHERISH (Hinsawdd, Treftadaeth ac Amgylcheddau Riffiau, Ynysoedd a Phentiroedd) yn brosiect 6 blynedd ar gyfer Iwerddon a Chymru sy’n cael ei gyllido gan Ewrop ac mae’n dod â phedwar partner ar draws dwy wlad at ei gilydd: Comisiwn Brenhinol Henebion Cymru, y Rhaglen Ddarganfod: Canolfan Archaeoleg ac Arloesi Iwerddon, Prifysgol Aberystwyth: Yr Adran Ddaearyddiaeth a Gwyddorau Daear ac Arolwg Daearegol, Iwerddon. Dechreuodd y prosiect ym mis Ionawr 2017 a bydd yn weithredol tan fis Mehefin 2023. Bydd yn elwa o €4.9 miliwn drwy Raglen Iwerddon-Cymru 2014-2020.
Mae CHERISH yn brosiect gwirioneddol drawsddisgyblaethol sydd â'r nod o gynyddu ymwybyddiaeth a dealltwriaeth o effeithiau newid yn yr hinsawdd, stormydd a thywydd eithafol yn y gorffennol, y presennol a'r dyfodol agos ar dreftadaeth ddiwylliannol gyfoethog ein môr a'n harfordir. Rydym yn cysylltu tir a môr ac yn defnyddio amrywiaeth o dechnegau a dulliau i astudio rhai o'r lleoliadau arfordirol mwyaf eiconig yn Iwerddon a Chymru.
Amcanion
Datblygu cyfarwyddyd arfer da ar y cyd
Rhwydwaith parhaol o farcwyr arolwg sefydlog ‘newid lleol’
Rhestr data amgylcheddol hanesyddol uwch
Rhestr data palaeo-amgylcheddol uwch
Modelau 3D ar / oddi ar y lan di-dor
Cloddio cymunedol ar asedau treftadaeth sydd mewn perygl
Porthol gwe a rennir gyda mynediad agored
Cynlluniau rheoli perchnogion tir
CY 
EN